зен | Э тембель вехи туь э пой, Ингъэде туь дегешде мепой. Хэлгъ гьеме э кор рафди Чуьшме э миглей асму варафди. |
мерд | Чуь бириге гу туь зенлейме Хьорой месох туь э сер ме. Хунере туь торики сох, Вадара эри хурде екем чи сох. |
зен | Имогьой шохьонгум туь мзхизи Эри хурде туь минуьши. Се бишгъоб чиш ве несохде, Е кило нуреш туь михури. |
мерд | Евош-евош гоф сох туь зе, ГIэтош медеше туь э жун ме. Эри хурде дир бошум ме Эри кор сохде гьому нисд мере. |
зен | Кор несохде пул нис бире, Чум гьемише э кес дебире. Туь рафде кор не сохдиге, Тигьи мигьлуьм шугъэм туьре. |
мерд | Вехи биё нуьш зе э кинме Эгъуьл диров э мазалайме, У гоф дери э и дуьл ме Туь гуш вени э гофгьойме. |
зен | Омбар шинрем гофгьой туьре Э чум дирем тембели туьре. Туь рафде кор несохдиге, мерд, Медерам мирам э кин дедейме. |
Гьердуйму эеки кор мисохим, Кемере э кемер иму мизеним, Э гIуьлом иму дуьл шор бире Бэхдлуь мозоллуь мибошим. |
|
Ужире мердгьо омбар бире, Лап эз бине тембель бире. Рафде угьо кор несохде Зен хуьшдере гIожиз сохде. |